“Zonja e Vjetër”, kërkon të triumfojë edhe në Evropë.
Juventusi synon ta thyejë mallkimin e finaleve të humbura në Ligën e Kampionëve dhe të triumfojë në garën më prestigjioze evropiane.
Kampionët e Italisë, pikërisht për këtë arsye kanë transferuar Cristiano Ronaldon, duke shpresuar që portugezi do t’i udhëheqë ata drejt triumfit në Evropë.
Presidenti i Juves, Andrea Agneli, ia ka bërë me dije trajnerit Massimilliano Allegri dhe lojtarëve që ai pret këtë vit suksese më të mëdha, duke aluduar në triumfin në Ligën e Kampionëve.
“Do të jetë një vit i vështirë, por të cilin duhet ta kthejmë nga një ëndërr në objektiv”, ka thënë Agnelli.
“Liga e Kampionëve do të jetë objektivi kryesor këtë stinor. Përveç Championsit, duam ta fitojmë edhe Scudetton e po ashtu edhe Kupën e Italisë”, ka përfunduar ai.
Në katër sezonet e fundit, Juventusi ka luajtur në dy finale të Ligës së Kampionëve dhe që të dyja i ka humbur./KosovaPress/