Futbollistët kundërshtojnë që ndeshjet e La Ligas të luhen në SHBA - Bota Sot
Futbollistët kundërshtojnë që ndeshjet e La Ligas të luhen në SHBA

Futboll

E mërkurë, 19 shtator 2018

Futbollistët kundërshtojnë që ndeshjet e La Ligas të luhen në SHBA

Më: 17 gusht 2018 Në ora: 18:16
Grizmann, Messi dhe Bale

Vendimi që një ndeshje e kampionatit spanjoll të luhet në Amerikën e Veriut nuk është pritur mirë nga Shoqata e Futbollistëve në Spanjë.

La Liga arriti një akord me grupin amerikan Relevant për të çuar në një tjetër nivel, zhvillimin dhe përhapjen e futbollit të këtij vendi në Amerikën e veriut.

Thënë ndryshe, një ndeshje e La Ligës me të gjitha gjasat Real Madrid ose Barcelona, do të zhvillohet në SHBA ose në Kanada, çdo sezon në 15 vitet e ardhshme. Krijohet kështu La Liga North America, një projekt që u testua me mbushjen e stadiumeve në turneun e kësaj vere.

Mjafton të kujtojmë se një ndeshje e Manchester United në Miçigan, u ndoq nga 101 mijë njerëz në stadium.

Por vendimi i Federatës spanjolle për të luajtur të paktën një ndeshje të La Ligas në Shtetet e Bashkuara të Amerikës për 15 sezonet e ardhshme ka shkaktuar shumë polemika.

Shoqata e futbollistëve Spanjollë ka dalë kundër projektit që sipas saj bëhet për interesa financiare, duke anashkaluar të drejtat themelore të futbollistëve.

Komentet
comments powered by Disqus
Sot mund të lexoni Shfletoni kopertinat
Sondazh
test