Vllaznia e nis në “Loro Boriçi” ndaj Korabit

Futboll

Vllaznia e nis në “Loro Boriçi” ndaj Korabit

Më: 20 gusht 2018 Në ora: 13:51
Vllaznia e nis në “Loro Boriçi” ndaj Korabit

Në ambientet e Federatës Shqiptare të Futbollit u hodh shorti i Kategorisë së Parë, që do të ngrejë siparin me sfidat e javës së parë të programuara për t’u zhvilluar më 9 shtator. Vllaznia, që për herë të parë do të luajë në këtë kategori, do ta nisë me sfidën e shtëpisë me Korabin. Me fat shkodranët që ndaj ekipit dibran do të shfrytëzojnë faktorin fushë dhe mbështetjen e tifozëve, sidomos në këtë situatë të krijuar, me përgatitjet që kanë nisur shumë vonë dhe organika kuqeblu nuk e ka arritur formën e duhur fizike. Edhe Dinamo, që konsiderohet rivalja kryesore e Vllaznisë në Grupin A për t’u ngjitur në Superiore, do ta luajë ndeshjen e parë si pritëse, përballë Veleçikut.

Në Grupin B, Bylisi, Apolonia dhe Lushnja e nisin në transfertë respektivisht ndaj Egnatias, Turbinës dhe Tomorit.

Grupi A

JAVA 1

Dinamo – Veleciku

Besëlidhja – Burreli

Vllaznia – Korabi

Erzeni – Iliria

Shënkolli – Vora

Grupi B

JAVA 1

Pogradeci – Besa

Tomori – Lushnja

Orikumi – Elbasani

Egnatia – Bylis

Turbina – Apolonia

Sot mund të lexoni Shfletoni kopertinat