Ylli i Real Madridit ka pritur që goli i tij në finale të Ligës së Kampionëve të ishte në mesin e më të mirëve.
Gareth Bale mund të konsiderohet pa dyshim një nga liderët e Real Madridit, pas largimit të Cristiano Ronaldos. Uellsiani foli në një intervistë për golin e mrekullueshëm, të shënuar në finalen e Ligës së Kampionëve kundër Liverpoolit në Kiev, si dhe ndjesitë për atë ndeshje, ku pati rolin e protagonistit kryesor.
Ai foli për epokën post-Ronaldo në Madrid dhe beson që pa portugezin skuadra është më e bashkuar.
“Cristiano është një lojtar i madh, por pa të jemi më shumë skuadër, nuk punojmë të gjithë në funksion të një lojtari të vetëm”.
Më pas ai kritikoi UEFA-n që nuk e përfshiu golin e tij në listën e më të bukurit për këtë vit.
“Do të doja të dija se kush ishte në komisionin që vendosi për tre golat më të mirë, dua të përjashtohen”.
“Nuk e di nëse goli im ishte më i bukur se ai i Ronaldos me Juven, nuk më takon ta them”, ka theksuar uellsiani.
Reali të mërkurën nisë mbrojtjen e titullit në Ligën e Kampionëve dhe në Bernabeu do të ndeshet me Romën.
