Sonte do të zhvillohen edhe tetë ndeshje tjera të fazës së grupeve në Ligën e Kampionëve.
Pas natës emocionuese të mbrëmshme me sfidat e Ligës së Kampionëve, sot luhen edhe tetë takime të tjera.
Kampioni në fuqi i Evropës, Real Madridi që synon ta mbrojë titullin e fituar në tre vitet e fundit e pret në Santiago Bernabeu, Romën. Madrilenët këtë vit janë pa yllin e tyre Cristiano Ronaldo që është larguar te Juventusi. Sfida tjetër e këtij grupi luhet mes Viktoria Plzen dhe CSKA Moskës.
Një ndër skuadrat favorite për të triumfuar në Ligën e Kampionëve është pa dyshim Juventusi.
“Zonja e Vjetër” udhëton drejt Mestallas për t’u ndeshur me Valencian. Sfida tjetër e Grupit H, luhet në Zvicër, aty ku Young Boys e pret Manchester Unitedin e Jose Mourinhos.
Manchester City në Etihad Stadium do të ballafaqohet me Lyonin, kurse një pretendent tjetër si Bayern Munich është mysafir i Benficas.
Grupi E
18:55 Ajax - AEK Athens
21:00 Benfica - Bayern Munich
Grupi F
18:55 Shakhtar Donetsk - Hoffenheim
21:00 Manchester City - Lyon
Grupi G
21:00 Real Madrid - Roma
21:00 Viktoria Plzen - CSKA Moska
Grupi H
21:00 Valencia - Juventus
21:00 Young Boys - Manchester United