Qytetarët e Komunës së Gjakovës tash e disa orë janë duke u përballur me mungesë të energjisë elektrike.
Kështu ka bërë të ditur ish kryetari i kësaj komune, tash shef I Grupit Parlamentar të AAK-së Pal Lekaj.
Në postimin e tij në Facebook, Lekaj ka akuzuar qeverinë e Kosovës për premtime të rrejshme ndaj qytetarëve të vendit, se do të kenë furnizim me energji elektrike për 24 orë në ditë.
“Qytetarët e Komunës së Gjakovës, po ballafaqohen me orë të tëra pa rrymë elektrike, ku mbeti premtimi i Qeverisë 24 h më rrymë, ky është KEDS-i , që po i vjedh qytetarët e Kosovës. Këto janë investimet e kompanive mashtruese në Kosovë”, ka shkruar Lekaj në postimin e tij në Facebook.
