Veseli takon biznesmenët shqiptarë nga Gjermania: Diaspora të investojë ende në Kosovë

Gjermania

Veseli takon biznesmenët shqiptarë nga Gjermania: Diaspora të investojë ende në Kosovë

Më: 30 maj 2016 Në ora: 14:24
Veseli takon biznesmenët shqiptarë nga Gjermania

Kryetari i Kuvendit, Kadri Veseli, priti sot në takim një delegacion të Unionit të Bisneseve Shqiptare në Gjermani. Në takim u diskutua për zhvllimet aktuale në fushën e ekonomisë në Kosovë.

Kryetari Veseli duke përgëzuar drejtuesit e këtij Unioni për punën që janë duke bërë në krijimin e urave të bashkëpunimit ekonomik në mes Gjermanisë dhe Kosovës theksoi diaspora jonë në botën perëndimore përbën një faktor shumë të rëndësishëm për ekonominë kosovare.

“Ka ardhur koha që diaspora jonë në botën perëndimore të marr një rol të ri në raport me vendlindjen, e ky është roli i investimit të kapitalit të saj në veprimtari prodhuese në Kosovë. Shumë sipërmarrës tanë që veprojnë në vendet perëndimore kanë përparësinë e përvojës së shkelqyeshme të këtyre vendeve në fushën e investimeve dhe rritjes ekonomike”.

Më tutje Veseli shtoi shteti i Kosovës do të krijoj lehtësirat e nevojshme ligjore për të gjithë ata sipërmarrës që duan të ngrisin biznesin e tyre në Kosovë, sepse kështu potenciali i madh human dhe burimet natyrore që ka Kosova mund të shndërrohen në zhvillim ekonomik për vendin.

“Ligjet që nuk stimulojnë iniciativën e lirë ekonomike, e që nxjerrin pengesa burokratike për zhvillimin ekonomik, do të ndryshohen sa më shpejt që është e mundur. Kemi humbur shumë kohë duke mbajtur vëmendjen institucionale në agjenda shterpe e vetshkatërruese. Është koha për fokusim të të gjithëve në agjendën ekonomike”, potencoi Veseli.

Më të lexuarat
Sot mund të lexoni Shfletoni kopertinat