Kolegu i tyre, Fatmir Hajdari me familjen, është dëbuar në Kosovë. Zjarrfikësit vullnetarë nga Hohenkirchen janë të zhgënjyer nga vendimi për dëbim të zjarrfikësit të ri shqiptar
“Ne jemi të pikëlluar pasi që Fatmir Hajdari është dëbuar. Por, mjerisht kështu e kërkon ligji në Gjermani”, thotë komandanti i zjarrfikësve, Eike Eilers. Ai, ashtu si dhe të gjithë zjarrfikësit e Hohenkirchen-it falënderojnë Fatmirin dhe familjen e tij për angazhimin e tyre, “Sa herë që njësia jonë zjarrfikëse planifikonte diçka, Fatmiri ishte aty. Nga shtatori i vitit 2015 ai kishte punuar në orar 100 për qind, duke u bërë kështu një zjarrfikës shembullor. Edhe jashtë punës së tij, e gjithë familja ishte tejet aktive në Hohenkirchen.
Kërkesa për azil e familjes Hajdatri është hedhur poshtë. “Duhet thënë, nuk është kohë e lehtë për njerëzit nga Kosova, një vend i rrethuar nga shtetet e BE-së, nga të cilat kushdo mund të jetojë dje punojë atje ku dëshiron. Por, për Fatmirin dhe familjen e tij, mjerisht nuk vlen një gjë e tillë”, shpreh keqardhjen Eilers.
Zjarrfikësit, ish kollegë të Fatmirit, i dëshirojnë atij dhe familjes që të fitojë shansin për t`u kthyeer sërish në Gjermani. “Dyert tona janë gjithnjë të hapura për ty dhe ne do të mbajmë gjithmonë një helmetë të lirë për ty!”, shkruajnë ata.
Njësia e zjarrfikësve kishte tentuar në fillim të vitit që përmes një peticioni t`ia mundësojë Fatmir Hajdarit qëndrimin në Gjermani, por pa sukses. Fatmiri madje, kësj vere do të duhej të absolvonte kualifikimin e tij si zjarrfikës, transmeton albinfo.
Hajdari me familjen e tij kishte ardhur në Gjermani në maj të vitit 2015 së bashku me gruan dhe tre fëmijët e tij ndësa në shtator ai qe bërë zjarrfikës. Veç kësaj ai është angazhuar gjithandej, veç tjerash edhe si pëkthyes për refugjatët tjerë. Edhe gruaja e toj ishte angazhuar po ashtu duke ndihmuar në aktiovitetet e zjarrfikësve ndërsa të gjithë pjesëtarët e familjes ishin angazhuar në shoqata sportive.
Djali i tij, 18 vjeçar kishte ndjekur shkollimin profesional, drejtimin e elektroteknikës ndërsa dy vajzat, 15 dhe 13 vjeçare vijonin shkollimin në Hohenkirchen,
“Fatmiri dhe familja e tij që nga fillimi janë përpjekur të integrohen në shoqërinë tonë. E gjithë familja ka dhënë shembullin që tregon se integrimi mund të funksionojë po pati njeriu vullnet.
