Gati një vit më parë David S. kishte qëlluar nëntë persona në “Olympic Shopping Center (OEZ)” në Munih. Motra e Arbnorit, Armela Segashi, 14-vjeçare ishte viktima e parë. Më 22 korrik 2016, ai nuk e mbrojti atë me sukses.
Arbnori e vë një foto të motrës së tij poshtë dhe një arush të bardhë. Zbukurime me lule dhe foto të viktimave tjerë. “Në fakt unë e urrej këtë vend”, thotë 22-vjeçari. “Por, ky ishte vendi i fundit ku ishte ajo”, shkruan ‘Bild.de”.
Më pas, në një storie të televizionit gjerman ZDF tregohet për vështirësitë që kishte familja nga Kosova, kur kuptoi se Armela ishte në mesin e viktimave. Në funeralin e saj në Kosovë morën pjesë 15 mijë persona.
David S. me rrënjë iraniane kishte sulmuar të rinjtë në restorantin e McDonalds në OEZ, ku ata po festonin fundin e javës para festës. Ai më pas kishte qëlluar duke vrarë nëntë persona, ku tre ishin shqiptarë.
Në këtë sulm terrorist, përveç Armela Segashit, ishin vrarë edhe dy kosovarë të tjerë – Sabina Sulaj dhe Dijamant Zabërgja. 10 persona kishin mbetur të vdekur në këtë incident.
