Sot në Offenbach të Gjermanisë, me iniciativën e kryetarit të shoqatës Energjiplus, Fatmir Muçolli, në konsultim me nënkryetarin e Lidhjes Shqiptare në botë Sebastian Nuiqi dhe përfaqësuesve të shoqatave dhe asociacioneve që veprojnë në Gjermani, u mbajt kuvendi për organizimin e Projektit “Besëlidhja shqiptare e shekullit 21”.
Projekti u pëlqye nga të pranishmit dhe dakordua për organizimin e një aktiviteti kulturor gjatë verës para sheshit “Skënderbe” në Prishtinë, në bashkëpunim me Komunën e Prishtinës, përfaqësuesit e subjekteve politike dhe institucioneve shtetërore, në mënyrë që bashkërisht të përçohet mesazhi paqësor drejt Evropës.