Pasi Prokuroria Themelore në Gjilan kishte ngritur aktakuzë kundër Kryesuesit të Asamblesë komunale në Viti, Naim Pira, më 29 dhjetor 2015, me akuzën për keqpërdorim të detyrës apo autoritetit zyrtar, Gjykata Themelore në Gjilan, ka lëshuar së fundmi edhe aktvendimin në të cilin hidhet poshtë aktakuza kundër Naim Pirës, i cili akuzohej se ju ka dhënë mëditje asamblistëve pa marrë pjesë në séance,njofton Plus tv.
Sipas këtij vendimi nuk ka prova të mjaftueshme për të mbështetur një dyshim të bazuar mirë se i pandehuri ka kryer veprën penale keqpërdorim të detyrës apo autoritetit zyrtar me qëllim të përfitimit për vete ose personin tjetër dhe ai është liruar si i pafajshëm.