Dega e PDK-së në Gjilan nëpërmjet një komunikate për media ka bërë të ditur se cerdhet në Gjilan janë në rrezik nga qentë endacakë.
Për çudi, një ditë, disa qen edhe të dera e kryetarit të komunës, ishin shtrirë dhe sikur prisnin ndonjë kockë apo ‘urdhrin’ e shefit të qytetit. Kjo nuk na bën edhe aq, ngase, sa për ne, edhe në zyra le t'i hyjnë. Por, është shqetësuese pamja e sotme në mëngjes e një llave qensh, që po silleshin nëpër oborrin e shkollës fillore ‘Selami Hallaqi’ dhe të çerdhes së fëmijëve në lagjen ‘Dardania’”, thuhet në komunikatë.
Sipas deklaratës së një prindi, i cili, po e dërgonte fëmijën në çerdhe, duke e parë rrezikun nga këta qen, e ka lajmëruar policinë. Pasi policia janë deklaruar se kjo nuk është përgjegjësi e tyre, ky prind, ka prit derisa janë larguar qentë për ta dërguar pastaj fëmijën në çerdhe.
“Prandaj, i bëjmë thirrje kryetarit të Komunës, Lutfi Haziri, ta kuptoj seriozisht rrezikun nga qentë endacak dhe të merr masa urgjente për largimin e tyre nga rrugët e qytetit.
