Një delegacion nga Këshilli i Lartë i Drejtësisë së Shqipërisë, i shoqëruar edhe nga kryesuesi i Këshillit Gjyqësor të Kosovës, Nehat Idrizi kanë vizituar Gjykatën Themelore të Gjilanit.
Me këtë rast, ushtruesi i detyrës së kryetarit, Afrim Shala, gjatë takimit me delegacionin e KLD-së ka njoftuar me organizimin e gjykatës, lëndëve të cilave u jepet prioritet dhe hapjen me publikun, duke publikuar orarin e seancave gjyqësore dhe aktgjykimet e plotfuqishme.
Anëtari i Këshillit të Lartë të Drejtësisë, Gjin Gjoni, ka vlerësuar lartë infrastrukturën dhe punën që bëhet në këtë gjykatë.
Sipas një komunikate të Gjykatës në Gjilan, të dy bashkëbiseduesit gjatë takimit kanë rënë dakord që të zhvillohen takime më të shpeshta në mënyrë që të rritet bashkëpunimi mes dy gjyqësorëve.
Në fund të takimit mes delegacioneve janë shkëmbyer disa mirënjohje dhe dhurata./
