Katër klubet e Kosovës do të garojnë në kupat evropiane, Besa Famiglia nga Peja, kampion dhe fitues i kupës dhe Kastrioti i Ferizajt (meshkujt), si dhe Prishtina, kampione e fituese e kupës dhe Shqiponja e Gjakovës (femrat). Klubet janë në ethe të shortit që hidhet nesër në orën 11.00 në selinë e Federatës së Hendbollit Evropian (EHF) në Vjenë. Besa merr pjesë në EHF Cup, Kastrioti në Challenge Cup (meshkujt) dhe Prishtina në EHF Cup e Shqiponja në Challenge Cup (femra). Ekipet tona luten për fat në short që t’i shmangen ekipeve të forta.