Gjyqtari nga Vushtrria Ilir Krasniqi nga sot edhe zyrtarisht është promovuar në gjyqtarë me thirrje të EHF-it pasi kalo me sukses testimet fizike, teorike dhe të drejtimit te ndeshjeve ne Kursin e gjyqtarëve qe po organizohet këtu ne Balatonboglar te Hungarisë nga Federata Evropiane Hendbollit.
Pasi para një viti e më shumë gjyqtari Eshref Beqiri mbeti pa kolegun e tij Afrim Azemi i cili për shkaqe objektive tani jeton ne Gjermani, mbeti i vetëm dhe gjatë edicionit 2016/17 ne Kampionatin e Kosovës drejtoi ndeshjet me gjyqtarin deri sot me kategorinë e parë kombëtare Ilir Krasniqi. Mirëpo, FHK-ja i nominoi ne listën e gjyqtarëve kandidat për edicionin 2016/17 te EHF-it.
Fatmirësisht, pra sot erdhi lajmi shumë i mirë për hendbollin kosovarë, sepse nga sot kemi edhe çiftin e kompletuar Eshref Beqiri – Ilir Krasniqi i cili do te jetë çifti i tretë ne listat e EHF-it e “Gjyqtarë me thirrje të EHF-it”, qe padyshim është një sukses i madh.
Ata gjatë tri ditëve te testimeve, treguan rezultate te kënaqshme, si ne njohuritë teorike, pastaj testit fizikë dhe sidomos ne ndarjen e drejtësisë dhe nga edicioni 2017/18 do te drejtojnë ndeshjet e garave të EHF-it, ku Beqiri ishte qe nga viti 2007 kurse Krasniqi do të debuton.
Të ju përkujtojmë se ne listat e EHF-it deri me tani ishin gjyqtarët me thirrje te EHF-it Arsim dhe Erdoan Vitaku (nga viti 2009), Sherif dhe Besfort Jahja n(ga viti 2015), kurse gjyqtarët te kategorisë ‘Young Referee” (nga viti 2009) janë të nominuar që nga data 2-8 korrik ne Geteborg te Suedisë të drejtojnë ndeshjet e EUROPEAN OPEN ku edhe do te kenë provimin për tu avancuar ne e “Gjyqtarë me thirrje të EHF-it”.
Duhet theksuar se ne listat e gjyqtarëve për grupmosha te reja gjenden edhe dyshja e Rasim Qerkezi – Armend Fejza dhe Arlinda Krasniqi – Shkurta Menxhiqi duke e mbyllur mozaikun me 8 çifte të gjyqtarëve që Kosovë e radhitë bukur lartë dhe shumë afër me shtete e tjera te mëdha ne hendbollin evropian.
