Pas një periudhe katërvjeçare të udhëheqjes me sukses nga kryetari Eduard Berisha, nga sot klubi i hendbollit Prishtina (meshkujt) ka kryetarin e ri Edi Kolgeci ish hendbollist i KH Prishtina ne vitet e 80-ta, dhe pastaj afarist dhe personalitet publik ne jetën kulturore dhe sportive të Kosovës. Përveç kryetarit te ri Kolgeci udhëheqësia e re e KH Prishtina do të përbëhet edhe nga drejtori sportiv Krenar Çela, nënkryetarët Besnik Tahiri dhe Eduard Berisha, anëtarët e Bordit, Ekrem Hajdari, Luan Hoti, Uranik Begu, Kujtim Shabani sekretar Emir Tara, kurse organet tjera dhe shtabi teknik do të zgjidhet në ditët në vijim.
Prioritet i kryetarit te ri Kolgeci do të jetë formimi i një skuadre me pëerfomanca evropiane ne periudhën dyvjeçare si dhe formimi i Akademisë me te rinj, pasi Prishtina si kryeqytet dhe qendër universitare ka kushte dhe ngritja e një skuadre te fortë në Prishtinë nënkupton edhe një: Ngritje e hendbollit të Kosovës në përgjithësi. “Duke iu falënderuar kryesisë së kaluar me kryetarin Eduard Berisha, KH Prishtina është ndoshta klubi i vetëm në të gjitha sportet të Kosovës që nuk kanë asnjë obligim ndaj lojtarëve, trajnerëve apo ndonjë institucioni tjetër”, bënë të ditur një burim brenda klubit.