Erhan Shahini, ish hendbollist i mirënjohur gjilanas, çuditet se si e urojnë në profilin e tij në facebook! Ai e mohon se është bërë trajner i klubit shqiptar, KH Cërrikut. Ai tha se ka postuar një foto me trajnerin e klubit shqiptar, Florian Dedja, kur u vizituan dhe askund nuk u theksua se u bë trajner.
“Kishim vetëm një stërvitje të përbashkët me KH Cërrikun, të cilët patën shpreh dëshirë të mbajmë një stërvitje të përbashkët. Ato urime që janë në fb nuk e kanë lexuar mirë, se unë vetëm ju kam falënderuar KH Cërrikut për vizitë”, tha Shahini për gazetën kombëtare “Bota sot”. Shahini është trajner në klubin e Dritës nga Gjilani.