Klubi i hendbollit Drita nga Gjilani ka përforcuar radhët me dy hendbollistë. Është fjala për ish hendbollistët e Kastriotit nga Ferizaj, Rron Ramadani dhe Korab Syla. “KH Drita ka arritur marrëveshje me Korab Sylën dhe Rron Ramadanin, ish lojtarë të KH Kastriotit.
Me këto dy përforcime KH Drita do të synoj kreun e tabelës dhe një vend në garat evropiane”, ka thënë Erhan Shahini, trajner i Dritës. Në fakt, Drita me përforcimet dhe lojtarët që ka, mund t’i prish punë disa nga ekipet që mëtojnë dy-tre vendet e para, siç është Prishtina dhe Trepça nga Mitrovica.
