Ishin momentet kritike dhe dita-ditës pritej që klubi Kastrioti nga Ferizaj (femrat) t’i vihet dryni! Një ndeshje nuk e luajtën për shkak se lojtaret nuk pranuan të dalin në fushë dhe kjo u shty me bekimin e Federatës së Hendbollit Kosovës. Kastrioti – Istogu do të luhet në njërën nga javët e ardhshme. Kur pritej se klubi do të shuhet, trajnerja Lirie Muhaxheri ka gjetur forcë dhe evitoi më të keqen. Ajo luajti ndeshjen për Kupë me Vjosën dhe u kualifikuan më tej, ndërsa të shtunën humbën (25:30) nga Vushtrria, në kuadër të kampionatit. Me një fjalë, ky është plusi i javës, Muhaxheri shpëtoi klubin, kolektiv që ishte në gjendje të vështirë dhe pothuajse Vlora Jashari e kishte lënë në baltë, e cila u largua në heshtje dhe pa dhënë asnjëherë llogari pse iku nga pozita e trajneres, për shkak të dështimit apo mospunës, më së miri e di ajo!
