Vushtrria e Prishtina janë takuar në derbin e javës së shtatë të Superligës së Kosovës në hendboll për femra. Ndeshjen e luajtur në palestrën në Vushtrri para një numri të konsiderueshëm shikuesish e fitoi skuadra vendase me rezultatin 24:20. Vushtrria u shkëput qysh në pjesën e parë, të cilën e fitoi me shifrat 12:6.
Kështu Vushtrria është përforcuar në pozitën e dytë me 12 pikë sa ka edhe Shqiponja që prinë, por që ka një ndeshje më pak të luajtur. Prishtina mbetet e treta me tetë pikë.
Vashat vushtrriase e patën edhe përkrahjen e tifo-grupit “Forca”. Më efikasja prej tyre ishte Al. Salihu me tetë gola. Te Prishtina u dallua L. Sopjani me shtatë gola.
Të dielen luhet ndeshja në mes Istogut e Vëllaznimit që nis në ora 13:30. Ndeshjet Drita – Kastrioti e Samadrexha – Shqiponja luhen mesjavën e ardhshme.
Vushtrria – Prishtina 24:20 (12:6)
Vushtrria: Nj. Kelmendi, Bl. Gubetini, K. Avdiu 1, F. Preniqi 2, D. Mehmeti 2, H. Jusufi, K. Paci 4, R. Hyseni, Z. Zymberi, Al. Selaci, D. Kasumi 3, Al. Salihu 8, Sh. Tahiri 4
Prishtina: E. Bregovina, P. Ferataj 4, E. Hoti, F. Prelvukaj 1, A. Prapashtica 1, L. Sopjani 7, L. Mekolli, B. Hashani, Q. Berisha 4, A. Stagova 3, R. Uka.
