Hendbollistja shqiptare, Dijana Ujkiç, me kampionet e Malit të Zi, Buduçnosti nga Podgorica, nuk ia dolën që të kthehen të pamposhtur nga qyteti i Ludwigsburgut, ku pësuan humbje me rezultat 27:21 (12:10) nga gjermanet SG BBM Bietigheim, në ndeshjen e xhiros së pestë të grupit D të Champions League. Kim Naidziniavicius me 10 gola ka qenë më efikaset të gjermanet, ndërsa të Buduçnosti u dallua Kristina Laslo me 6 sosh. Ujkiç u mundua mjaft dhe realizoi një gol.
Me 18 nëntor (19.00) do të jetë sikurse finale sfida në Podgoricë në mes Buduçnostit dhe norvegjezeve Vipers Kristiansand, sepse podgoricaseve iu duhet një pikë, kurse rivales dy për kualifikim. Metz kryeson me 8 pikë, pasojnë: Bietigheim (6), Buduçnosti (4) dhe Vipers Kristiansand (2). Tri skuadrat e para kualifikohen me tej.
