Kryetrajneri i Trepçës ’89, Taib Kabashi, me qetësi e pret takimin me Prishtinën, në kuadër të gjysmëfinales së Kupës së Kosovës në hendboll (meshkujt). Prishtina është favoritë, këtë e pranon edhe ish kryetrajneri i kësaj skuadre, Kabashi.
“Mendoj se këtë sezon favoritë është Prishtina, ndërsa në sezonin e kaluar ishim shumë më të mirë se Prishtina te rezultati 6 ndeshje 6 fitore në favor tonë. Këtë sezon Prishtina udhëheq me dy fitore”, tha Kabashi. Ndeshja mes Prishtinës dhe Trepçës luhet nesër në orën 16.00 në palestrën e sportit ‘Karagaçi’ në Pejë.