Drejtuesit e FHK-së në Kongresin e EHF-së në Glasgow

Hendboll

Drejtuesit e FHK-së në Kongresin e EHF-së në Glasgow

Më: 19 qershor 2018 Në ora: 17:08
Drejtuesit e FHK-së në Kongresin e EHF-së në Glasgow

Një delegacion i lartë i Federatës së Hendbollit të Kosovës, i përbërë nga zëvendëspresidenti Enis Idrizi dhe sekretari gjeneral Izet Gjinovci, po merr pjesë në punimet e Kongresit të 14-të të rregullt të Federatës Evropiane të Hendbollit (EHF). Kongresi I EHF-së ka nisur punimet të martën në Glasgow të Skocisë, ndërsa vendimet kryesore do të merren të mërkurën (nesër).

Gjatë ditës së parë të punimeve të Kongresit, janë shqyrtuar raportet e Komitetit Ekzekutiv të EHF-së dhe të Komisioneve të ndryshme të Federatës Evropiane, ndërsa hedhet edhe shorti i hendbollisteve për vitin 2019.

Në ditën e dytë të punimeve, ndër të tjera, nënshkruhet Rink Konventa me Kosovën dhe me Bosnjë dhe Hercegovinën dhe poashtu përcaktohen nikoqirët e kamionateve evropiane të viteve 2022 e 2024 në të dy konkurrencat. Do të merren edhe shumë vendime tjera në shërbim të ngritjes së hendbollit evropian në nivel më të lartë.

Natyrisht, drejtuesit e FHK-së po e shfrytëzojnë Kongresin për takime të shumta për të krijuar miqësi të reja me federata nacionale të vendeve të ndryshme, në të mirë të hendbollit kosovar në përgjithësi.

Sot mund të lexoni Shfletoni kopertinat