6 vajzat nga Mirdita që u vranë dhe u masakruan nga diktatura. Ja ‘faji’ i tyre

Historia

6 vajzat nga Mirdita që u vranë dhe u masakruan nga diktatura. Ja ‘faji’ i tyre

Më: 19 gusht 2017 Në ora: 20:29

Me mijëra shqiptarë u ekzekutuan nga sistemi i egër i komunizmit për faktin se dolën kundër diktaturës.

Ky regjim, nuk kurseu asa femrat, ku të shumta janë ato gra dhe vajza që u vranë apo torturuan barbarisht për një fjalë gojë apo për një veprim që për regjimin e egër ishte i papranueshëm.

Janë 6 femra nga Mirdita që kanë lënë gjurmë pasi u vranë nga komunizmit. Faji i tyre ishte sepse nuk donin komunizmin.

Marie Tuçi

Preardhja e saj ishte nga dera e Gjomarkajve, Kapidanë të Mirditës. Ajo u lind në vitin 1928 dhe e vetmja si femër arrestohet në reprezaljet e vitit 1949.

Ishte e shkolluar në shkollat e Motrave Stigmatine në Shkodër, ka punuar si mësuese në Fan. Torturohet nga hetuesit xhelatë dhe prej mundimeve vdes në hetuesi në vitin 1950, e futur në një thes me një mace të egër.

Bardhe Cub Marku

Ajo lindi në në Kaçinar të Mirditës në vitin 1927. Studioi në shkollën e Motrave Stigmatine në Shkodër. Vdiq nga torturat e shumta në burgun e Shkodrës në vitin 1947.

Liza Moli

Lindi në Kaçinarë, Mirditë po aty mori mësimet e para. Sigurimi i Shtetit i rregthuan shtëpinë. Për të shpëtuar miqtë që kishte në banesë, ajo me një pistoletë në dorë u hapi rrugën dhe i shpëtoi që të iknin.

Ajo u vra në moshën 20-vjeçare bashkë me babain e saj nga komunizmi. Më pas i dogjën edhe shtëpinë.

Bardhe Bushkola

Ajo lindi në Selitë të Mirditës. Për të mbrojtur jetën e vëllajt të saj del para grykave të armëve të forcave të ndjekjes dhe vdes nga plumbat.

Ishte vetëm 16 vjeçe kurë e mbylli jetën e saj të re me një akt heroik të dashurisë së motrës për vëllain.

Gjela Llesh Biba

Ishte nëna e tre fëmijëve që për të shpëtuar dhe nderin e shtëpisë, vritet me gjithë bashkëshortin nga Sigurimsat në Bukmirë, Mirditë në vitin 1947.

Dila Karaçi

Ajo lindi në Orosh të Mirditës dhe u martua në Thirrë të Fanit. Kur i kërkuan që të dilte vullnetare për të punuar në hekurudhë, ajo kundërshtoi.

Pas shuëm kërcënimeve, familja e saj pranoi të largohet, por ajo tha se do të vetëvritet.

Të nesërmen kur shkuan për ta marrë për në aksion, e gjetën të varur në një pemë në oborrin e shtëpisë. Ishte vetëm 22-vjeçe./konica.al

Sot mund të lexoni Shfletoni kopertinat