Kryeministri i Kosovës, Isa Mustafa, thotë se menjëherë pas kthimit nga Kombet e Bashkuara, pret të takohet me opozitën për të diskutuar çështjen e shënjimit të kufirit me Malin e Zi. Zoti Mustafa ndodhet në Nju Jork për të biseduar me personalitete nga vende të ndryshme për forcimin e marrëdhënieve dypalëshe, por meqenëse Kosova ka përjetuar një krizë të vërtetë në çështjen e vijës kufitare, kolegu ynë Ilir Ikonomi e pyeti fillimisht se çfarë shpreson qeveria të arrijë në përpjekjet e saj të pajtimit me opozitën./voa
