Dialogu me Serbinë nuk është kriter për MSA-në - Bota Sot
Dialogu me Serbinë nuk është kriter për MSA-në

Kosova

E hënë, 29 gusht 2016

Dialogu me Serbinë nuk është kriter për MSA-në

Më: 10 tetor 2012 Në ora: 00:38

Zyrtarë të lartë të Bashkimit Evropian kanë thënë se në studimin e fizibilitetit, që do të publikohet nesër, dialogu me Serbinë nuk do të jetë kriter për fillimin e dialogut për nënshkrimin e Marrëveshjes së Stabilizim Asocimit (MSA) me Kosovën, të paktën jo në një afat të shkurtër.
Këto burime bëjnë të ditur se në momentin kur të hapen negociatat për MSA-në, atëherë shumë nga kriteret që do të dalin nga ky proces do të ndërlidhen me normalizimin e marrëdhënieve me Serbinë.

Kosovës në studimin e fizibilitetit do t’i kërkohet që urgjentisht të fillojë me reforma në Ministrinë e Tregtisë, forcimin e sundimit të ligjit dhe të punoj më shumë për të drejtat e komuniteteve.

“Do të kërkohet që të ketë hapa konkret në luftë kundër korrupsionit dhe krimit të organizuar”, kanë theksuar zyrtarë shumë të lartë të BE-së.

Ndërkohë, duke folur në lidhje me dialogun, zyrtarët e Bashkimit Evropian, kanë thënë se ka shenja se niveli i bisedimeve do të avancohet në politike, porse sipas tyre nuk është paraparë se kur do të mund të ndodhin këto bisedime.

Nga ana tjetër, në Raportin e Progresit për Serbinë theksohet qartë se për përparim të mëtutjeshëm duhet të ketë normalizim të marrëdhënieve me Kosovën.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test