Kuvendi miratoi Statutin e Universitetit të Prishtinës - Bota Sot
Kuvendi miratoi Statutin e Universitetit të Prishtinës

Kosova

E shtunë, 27 gusht 2016

Kuvendi miratoi Statutin e Universitetit të Prishtinës

Më: 12 tetor 2012 Në ora: 19:10

Në vazhdimin e sotëm të mbledhjes plenare të Kuvendit të Kosovë të kryesuar nga Xhavit Haliti, nënkryetar, (një pjesë të së cilës e kryesoi edhe nënkryetari tjetër, Petar Miletiq), deputetët shqyrtuan dy projektligje në lexim të parë dhe një në lexim të dytë, një Raport Auditimi, një Propozim Vendim të Qeverisë dhe Statutin e Universitetit të Prishtinës.
Fillimisht, deputetët miratuan në parim Projektligjin për provimin e jurisprudencës, pasi që debatet lidhur me të kishin mbaruar në mbledhjen e djeshme, ndërsa në mungesë kuorumi nuk ishte hedhur në votim. Pas kësaj, mbledhja vazhdoi me shqyrtimin në parim të Projektligjit për skemat pensionale të financuara nga shteti, të cilin para deputetëve e paraqiti ministri i Ministrisë së Punës dhe Mirëqenies Sociale, Nenad Rashiq. Duke falënderuar Qeverinë dhe pensionistët për bashkëpunim gjatë fazës së hartimit të këtij projektligji, Rashiq sqaroi se përfituesit e këtij ligji do të jenë të ndarë në gjashtë kategori. Ministri po ashtu sqaroi se për dallim nga versioni i kaluar i këtij Projektligji, tashmë në të janë të parapara edhe dy kategori të reja të pensionistëve: pensioni invalidor dhe pensioni familjar.
Ministri Rashiq, duke kërkuar përkrahjen për këtë projektligj, sqaroi se mangësitë eventuale të tij do të mund të përmirësoheshin me akte nënligjore.
Lidhur me projektligjin u deklaruan edhe përfaqësuesit e grupeve parlamentare. Derisa grupet parlamentare të pozitës u deklaruan në favor të projektligjit, kundër u deklaruan Grupi Parlamentar i LDK-së, VV-së dhe ata të AAK-së. Në të njëjtën frymë u zhvillua edhe debati lidhur me këtë projektligj, me ç'rast viheshin re qëndrime të kundërta në mes të deputetëve të pozitës dhe atyre të opozitës. Pas kësaj, projektligji u hodh në votim dhe gjeti përkrahjen e shumicës së deputetëve të pranishëm.
Në vijim, deputetët shqyrtuan në lexim të dytë dhe e miratuan Projektligjin për komunikimet elektronike, të cilin e paraqiti kryetari i Komisionit për Zhvillim Ekonomik, Infrastrukturë, Tregti dhe Industri, Zenun Pajaziti.
Pas shqyrtimit të këtyre projektligjeve, mbledhja vazhdoi me Shqyrtimin e Raportit të Auditimit të pasqyrave vjetore financiare të Universitetit të Prishtinës, për vitin 2011. Për vërejtjet dhe të gjeturat e këtij Raporti, foli kryetari i Komisionit për Mbikëqyrjen e Financave Publike, Ali Sadria. Pas debatit lidhur me këtë Raport, deputetët me shumicë votash e miratuan atë, duke përfshirë vërejtjet dhe rekomandimet e ngritura rreth tij.
Pas deklarimit nga ana e përfaqësuesve të grupeve parlamentare, deputetët, po ashtu miratuan edhe Propozim-vendimin e Qeverisë së Republikës së Kosovës për emërimin e anëtarëve në Bordin e Pavarur për Rishqyrtimin e ankesave.
Mbledhja vazhdoi me shqyrtimin e Statutit të Universitetit të Prishtinës, të cilin ministri i Ministrisë së Arsimit Shkencës dhe Teknologjisë, Ramë Buja, e vlerësoi si të rëndësisë së veçantë. Pas deklarimeve nga ana e shefave të grupeve parlamentare, me gjithë vërejtjet e ngritura gjatë debatit, me shumicë votash u miratua Statuti i Universitetit të Prishtinës.
Debati i paraparë për mbledhjen e sotme, sipas kërkesës së deputetes nga radhët e Vetëvendosjes, Alma Lama, nuk u zhvillua. Lama, në mungesë të kabinetit Qeveritar kërkoi mocion për shtyrje të kësaj pike të rendit të ditës.
Për mocionin e ngritur nga deputetja Lama, nuk kishte kuorum për të votuar, andaj lidhur me këtë do të vendosë Kryesia e Kuvendit të Kosovës. BS

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test