Këtë javë në Prishtinë arrin për vizitë zyrtare shefja e diplomacisë evropiane Catherine Ashton, për ti dhënë mbështetje dialogut Prishtinë Beograd.
Siç shkruajnë mediat përveç takimeve me zyrtarë institucionalë, Ashton do të takohet edhe me përfaqësues të opozitës, Isa Mustafën dhe Ramush Haradinajn me qëllim që t’i bind ata të pranojnë zgjidhjet e ofruara nga Brukseli për veriun. Vizita e diplomatës evropiane është paralajmëruar edhe përmes një deklarate të lëshuar nga zyra e saj.