Kryetari i ri i Prishtinës, Shpend Ahmeti i është gëzuar deklaratave të Shefqet Krasniqit, duke thënë se ai ka pasur marrëdhënie korrekte me të.
Në një video të re të postuar në Youtube, Shefqet Krasniqi ka thënë se i është gëzuar që ka fituar Shpendi dhe beson që Prishtinën tash e tutje do ta presin ditë më të mira.
“Jemi sinqerisht të gëzuar që ka fituar Shpendi. Kam respekt ndaj Shpendit. Kam pas respekt ndaj babës së tij. Jam takuar më shumë se njëherë me Shpendin. Edhe iftar kemi bërë bashkë. Kam qenë edhe në shtëpinë e tij. Ymyt kam te Zoti që ditë të mira po i vijnë Prishtinës", ka shtuar ai.
Ndërsa Ahmeti, ka thënë se respekti është i ndërsjellë, dhe i vjen mirë që edhe ai në mesin e shumë njerëzve besojnë se Prishtinën e presin ditë të mira.
“E kam takuar Shefqet Krasniqin njëherë në varrimin e babait tim dhe në të pame kur ka qenë tek ne. Ai ka pasur një respekt për babain tim dhe ne kemi pasur marrëdhënie korrekte. Më vjen mirë që ai mendon se Prishtinën do ta presin ditë të mira”, ka thënë Ahmeti.
Shefqet Krasniqi është një ndër hoxhallarët më me nam në Kosovë. Ai u bë i njohur për opinionin për deklarimet e tij rreth disa figurave shqiptare nëpër botë, një prej të cilave ishte kur vlerësonte se “Nëna Terezë ka shkuar në ferrë sepse nuk ishte myslimane”.
Shefqet Krasniqi: Zoti ia dha postin Shpend Ahmetit
Imami i Xhamisë së Madhe, Shefqet Krasniqi i është gëzuar fitores së Shpend Ahmetit në Prishtinë.
Ai ia ka uruar Ahmetit postin e Kryetarit të Kryeqytetit dhe ka thënë se "Allahu ia ka dhënë Shpendit pozitën"
"Allahu është ai që u jep kujtëdo pushtet dhe kutëdo i merr", ka thënë Krasniqi.
"Kanë me të mbet duart në xhepa dhe mos i nxjerr hiq", ka thënë Krasniqi, teksa ka folur për Isa Mustafën.
"Jemi sinqerisht të gëzuar që ka fituar Shpendi".
"Kam respekt ndaj Shpendit. Kam pas respekt ndaj babës së tij".
Krasniqi ka treguar se ka raporte të mira me Shpend Ahmetin.
"Jam takuar më shumë se njëherë me Shpendin. Edhe iftar kemi bërë bashkë. Kam qenë edhe në shtëpinë e tij. Ymyd kam te Zoti që ditë të mira po i vijnë Prishtinës", ka shtuar ai.
