Policia e Kosovës ka demantuar Lëvizjen Vetëvendosje sa i përket numrit të pjesëmarrësve në protestën e sotme.
Përderisa Lëvizja Vetëvendosje thotë se në këtë protestë janë duke marrë pjesë mbi 20 mijë protestues në anë tjetër policia e Kosovës thotë se janë pjesëmarrës vetëm 2500 protestues.
Këtë për KosovaPress e konfirmoi zëdhënësi i Policisë së Kosovës Baki Kelani, i cili tha se nga informatat që ka policia nga terreni në protestë janë rreth 2500 protestues.
“Po në bazë të informacioneve thuhet se fillimisht numri i protestuesve ka qenë rreth 2500”, tha Kelani për KosovaPress.
E derisa marshi vazhdonte nga RTK-ja drejt objektit të Qeverisë, Kelani tha se nuk është shënuar asnjë incident.
