Sindikata e Bashkuar e Arsimit, Shkencës dhe Kulturës (SBASHK), përmes një komunikatë ka uruar të gjithë mësimdhënësit dhe punëtorët e arsimit me rastin e ditës së tyrem duke premtuar se do të vazhdohjë të punon në shërbimin dhe mbrojtjen e kërkesave së mësimdhënësve.
Lexoni komunikatën e plotë:
Të nderuarit kolegë, mësimdhënës e punëtorë të tjerë të Arsimit në Republikën e Kosovës kudo jeni në institucione parashkollore, në arsimin parauniversitar dhe në Universitete kam nderin që në emër të Kryesisë dhe Këshillit Drejtues të SBASHK-ut t'ju uroj 7 Marsin këtë festë të madhe të mësuesit dhe shkollës shqipe. Ju me punën e përkushtimin në edukimin e brezave nëpër vite e dekada u bëtë pasardhës të denjë të mësuesit Petro Nini Laurasi , të mësuesit, heroit e dëshmorit të kombit , Shaban Jashari dhe të mësuesve tjerë të përkushtuar.
Shprehim edhe sot respektin për gjithë të punësuarit në arsim që u pensionuan gjatë viteve dhe i falënderojmë për punën dhe përkushtimin në misionin e tyre të shenjtë për edukimin e drejtë të brezave.
Ju premtojmë se SBASHK-u do të vazhdojë me angazhimet për të qenë vazhdimisht në shërbimin tuaj dhe në mbrojtje të kërkesave tuaja të drejta.
Në dialog me institucionet qendrore e lokale të shtetit tonë do të punojmë që t'i zgjedhim mirë e drejtë të gjitha çështjet e ngritura nga ju.
Të vazhdojmë me unitetin shembullor dhe të jemi sot e gjithmonë bashkë e në SBASHK. Gëzuar, pra 7 Marsin këtë festë të madhe të mësuesit dhe shkollës shqipe.
Ju dëshirojmë shëndet të mirë dhe arritje edhe më të mëdha në shërbim të dijes dhe arsimit në Kosovë.