Rregullat në komunikacion do të jenë edhe me projektligj, i cili do të shqyrtohet sot në Komisionit për Buxhet Dhe Financa.
Përveç këtij projektligji, do të shqyrtohet edhe plotësimi i ligjit për të Drejtat e Autorit dhe të Drejtat e Përafërta, ku vetëm një pjesë e vogël e shkrimeve të mediave është paraparë të mbrohen.
Komisioni do të shqyrtojë edhe projektligjin për ratifikimin e marrëveshjes financiare ndërmjet Qeverisë së Republikës së Kosovës dhe Bankës Evropiane për investime për projektin e rehabilitimit të linjës Hekurudhore 10, projektligji për ratifikimin e marrëveshjes së garancisë ndërmjet Republikës së Kosovës dhe Bankës Evropiane për Rindërtim dhe Zhvillim për projektin e Trafikut Urban, si dhe projektligji për profesionet e rregulluara në Republikën e Kosovës dhe amendamenteve të Komisionit për Arsim, Shkencë, Teknologji, Kulturë, Rini dhe Sport.
Gjatë kësaj mbledhje, komisioni do të shqyrtojë edhe raportin financiar të Radiotelevizionit të Kosovës për periudhën prill-qershor 2016 dhe programit të shpenzimeve të RTK-së, për periudhën Korrik-Shtator 2016, si dhe raportin vjetor financiar të Autoritetit Rregullativ të Komunikimeve Elektronike dhe Postare për vitin 2015.