KSHZ dje ka publikuar listën me votues të dyshimtë dhe ajo çka bie në sy është pjesmarrja masive e shqiptarëve në këtë listë e cila përmban 39.502 votues të dyshimtë të cilët pas verifikimit do të caktohen a hyjnë në listën e votuesve apo do të fshihen totalisht. Ju mund ta kontrolloni listën KËTU dhe të shihni nëse jeni pjesë e kësaj liste e pastaj të paraqiteni në mënyrë elektronike se si ta verifikoni emrin dhe mbiemrin tuaj e pastaj të ju zhvendosin në listën kryesore, të paprekshme.
Komuna e Çairit me 5418 votues që duhet të paraqiten,
Komuna e Tetovës me 3183,
Komuna e Gostivarit 2671,
Komuna Saraj 2420,
Komuna e Kumanovës 2075,
Komuna e Shuto Orizares 1794,
Komuna e Kërçovës 1342
Vërtetimin se kanë të drejtë vote, do ta dëshmojnë me dokument të vlefshëm për identifikim personal. Gjithashtu ekziston opsion për paraqitje nëpërmjet ueb faqes së KShZ, me ç’rast personi duhet ta mbushë aplikimin elektronik dhe ta skanojë letërnjoftimin apo pasaportën.
“Çdo qytetar duhet ta plotësojë aplikimin elektronik të përgatitur dhe të vendosur në ueb faqen e KSHZ-së me shënimin e numrit amzë. Me këtë rast, votuesi duhet ta paraqesë edhe një dokument identifikues të skanuar apo të fotografuar, që mund të jetë ose letërnjoftimi ose pasaporta. Është e rëndësishme të përmendet se me këtë rast, duhet të duket qartë vendi i lindjes dhe adresa e vendbanimit”, ka thënë Atanas Urumov.
Sipas informatave të KShZ në këtë operacion do të përfshihen Drejtoria për evidencë amë, Ministria e brendshme dhe ministria e jashtme. Ky operacion do të mbikëqyret edhe nga përfaqësuesit e partive të cilët çdo ditë do të mund të parashtrojnë vërejtje. Pas përfundimit të operacionit, do të publikohet lista e personave që janë verifikuar dhe i njëjti do ti shtohet numrit të përgjithshëm të Listës zgjedhore.
Nënkryetari i Qeverisë së Maqedonisë Nikolla Todorov siguroi mediat maqedonase se nga këto 39.502 shumica do të jenë shqiptarë nga zona e gjashtë zgjedhore.
“Shumica e votuesve që do të fshihen nga listat e votimit janë shqiptarë dhe janë votues në njësisë zgjedhore numër 6” tha mes tjerash Todorov. Këtë konstatim të Todor nuk mori guxim asnjë parti shqiptare që ta kundërshtojë.
