Ka filluar punimet projekti që ka të bëjë me ndërtimin e murit mbrojtës tek ura e lumit “Remnik” në rrugën Rahovec-Drenoc.
Sipas njoftimit për media, ura është me gjatësi 115 metra, ndërsa ndërtimi i murit mbrojtës është duke u bërë përmes projektit “Intervenime emergjente në infrastrukturë”. Deri të fillimi i ndërtimit të këtij muri ka ardhur, pas analizës së bërë nga ana e inxhinierëve të drejtorisë së Shërbimeve Publike.
Në lidhje me ndërtimin e murit mbrojtës dhe projekteve që janë kryer përmes projektit “Intervenime emergjente në Infrastrukturë”, drejtori i Drejtorisë për Shërbime Publike, Muhamet Behra shprehet se përmes këtij projekti , deri me tani janë rregulluar dy ura, njëra urë është rregulluar në fshatin Nushpallë dhe tjetra në Bernjak, është në ndërtim e sipër edhe një shtëpi për komunitetin Ashkali në fshatin Krushë e Madhe.
“ Tani jemi në përfundim të ndërtimit të murit mbrojtës në rrugën Rahovec-Drenoc me gjatësi 115 metra dhe me ndërtimin e këtij muri kemi evituar rrëshqitjen e dheut dhe bllokimin e kësaj rruge. Drejtori Behra tha se në kuadër të kësaj kontrate, do të ketë edhe projekte të tjera të cilat priten të realizohen në ditët në vazhdim”, ka thënë ai.
