420 bujq nga Malisheva përfitojnë pleh kimik për mbjelljet vjeshtore

Kosova

420 bujq nga Malisheva përfitojnë pleh kimik për mbjelljet vjeshtore

Më: 21 tetor 2016 Në ora: 12:16
Ilustrim

Drejtoria për Bujqësi në Komunën e Malishevës, sot ka filluar shpërndarjen e plehut kimik për 420 përfitues, njofton kumtesa komunale, përcjell Bota Sot.

Ky subvencion i Komunës së Malishevës, bëhet për bujqit, me qëllim të përkrahjes për mbjelljet vjeshtore, përkatësisht mbjelljes së grurit. Në fillimin e shpërndarjes së plehut kimik, mori pjesë edhe i dyti i Komunës së Malishevës, nënkryetari Rexhep Mazreku, i cili ka përshëndetur bujqit përfitues.

“Në kuadër të përpjekjeve të qeverisë komunale për ta përkrahur bujqësinë, ne sot po shpërndajmë edhe këtë sasi të plehut kimik, në mënyrë që sadopak ti përkrahim bujqit në mbjelljet vjeshtore, përkatësisht mbjelljen për mbjelljen e grurit”, tha nënkryetari Mazreku.

Ndërsa drejtori i drejtorisë për bujqësi, Haxhi Krasniqi, ka bërë të ditur se ky projekt, ka një shumë prej rreth 20 mijë eurove dhe financohet nga buxheti komunal i Malishevës, ndërsa përfitues janë 420 bujq, me nga 150 kilogram, ose në tërësi 63 mijë kilogram pleh kimik, për mbjellje vjeshtore./BS/

Sot mund të lexoni Shfletoni kopertinat