Bedri Nika, kandidati për kryetar të Drenasit nga Lidhja Demokratike e Kosovës ka thënë se nëse Lladrovci nuk i vlerëson kundërkandidat e tij, ai nuk do t’i vlerësojë as qytetarët.
Këtë komente Nika i ka bërë duke iu referuar deklaratës së Ramiz Lladrovcit, kandidati për kryetar të PDK-së, i cili tha në Info Magazine se për atë nuk ka asnjë kandidat serioz në Drenas.
“Besoj se Lladrovci nëse nuk e sheh asnjë kandidat serioz atëherë nuk e sheh as qytetarin e Drenasit”, ka thënë Nika.
“I vlerësoj të gjithë kandidatët, po nuk besoj që ka konkurrent tjetër përveç partisë në pushtet, por që as ajo nuk e ka mbështetjen qytetare”.
“Qytetarët e Drenasit vendosin se kush do të fitojë. Kam respekt për të gjithë kandidatët”.
“Ftoj që të gjithë të dalin të votojnë dhe vullneti i tyre të respektohet. Kurse 4 dhjetori le të jetë ditë e demokracisë në Drenas”.
