Në fshatin Xërxe të Komunës së Rahovecit janë duke u realizuar disa projekte që financohen nga buxheti komunal dhe që kanë për qëllim përmirësimin e infrastrukturës rrugore në këtë fshat.
Behar Thaçi, kryetar i Këshillit të fshatit Xërxe, për punimet në projektet të cilat janë realizuar dhe që janë në realizim e sipër sqaron se brenda vitit 2016 kanë filluar punimet në ndërtimin e kanalizimit fekal, kubëzimin dhe asfaltimin e dy rrugëve, pastrimi i përroskave në brendësi të fshatit, rregullimin dhe rrethimi i oborrit të shtëpisë së kulturës.
Muhamet Behra, drejtor i Drejtorisë së Shërbimeve Publike tha se punimet në projekte të cilat janë duke u realizuar në fshatin Xërxe, janë duke shkuar ashtu siç edhe janë të planifikuara. Behra shprehet se asfaltimi i njërës prej rrugëve me gjatësi prej 315 metrave, është bërë pasi që nëpër atë segment të rrugës kalojnë mjete bujqësore dhe mjete të tjera të rënda.
