Zëvendësministri i Punës dhe Mirëqenies Sociale Safet Kamberi, i shoqëruar nga drejtori i Departementit të Pensioneve në këtë ministri, Bahri Xhaferi, ka pritur sot në takim pune drejtorin e Fondit të Sigurimit Pensional dhe Invalidorë Jovo Pajoviq me bashkëpunëtorë.
Në fokus të takimit ishte bashkëpunimi në mes të Kosovës dhe Malit të Zi lidhur me vërtetimin e periudhave të sigurimit për realizimin e të drejtës në pension për qytetarët e të dyja vendeve.
Përfaqësues malazez konfirmuan mbështetjen që do t`I japin kësaj çështje edhe më tutje dhe u zotuan se bashkëpunimi mes ekspertëve të të dyja vendeve do të fillon menjëherë në mënyrë që sa më shpejt ta kemi të realizuar të drejtën në shfrytëzimin e pensionit, që do të ndikonte pozitivisht në përkujdesjen institucionale dhe mirëqenien e qytetarëve të të dyja vendeve.