Presidenti i Kosovës, Hashim Thaçi, ka uruar të gjithë për anëtarësimin e Kosovës në Organizatën Botërore të Doganave
Thaçi në një postim në rrjetin social Facebook ka thënë se ky lajm paraqet konsolidim madhor të pjesëmarrjes së Kosovës në organizata multilaterale.
Postimi i plotë:
Lajm i shkëlqyeshëm që Kosova u bë anëtare e Organizatës Botërore të Doganave (WCO). Ky lajm paraqet konsolidim madhor të pjesëmarrjes tonë në organizata multilaterale dhe ndihmon Kosovën në përforcimin e sistemit tonë të shkëlqyer doganor. Procesi i filluar para dy vitesh për depozitimin e instrumenteve ligjore dhe konventave po jep rezultate të prekshme. Falënderojmë Belgjikën dhe shtetet mike për ndihmë. HTH