Partia Drejtësisë në Lipjan përmes një komunikate për media thuhet se ka dështuar Kuvendi i degës së PD-së për faktin se kandidatura u imponua nga niveli qendror, respektivisht nga Ferid Agani, kështu nuk u lejua kandidatura e kërkuar nga anëtarësia e PD-se në Lipjan.
“Mbrëmë në Lipjan dështoj Kuvendi i degës së PD-së, jo për faktin se nuk kishte kuorum, sepse prezent ishin rreth 100 veta, por per faktin se kandidatura u imponua nga niveli qendror, respektivisht nga Ferid Agani, kështu nuk u lejua kandidatura e kërkuar nga anëtarësia e PD-se në Lipjan, ku strukturat e PD-së propozuan për kryetar të degës, Kryetarin e nëndegës së PD-së në Lipjan z.Burim Budrimçaku, një afarist, intelektual dhe njeri ndër figurat e para në PD që nga viti 2004.
Në shenjë pakënaqësie nga ndërhyrja e kreut të PD-së z.Agani, duke imponuar kandidat kukull, delegatet braktisën punimet e Kuvendit të gjithë, përjashtimisht atyre që kishin ardhur nga Prishtina dhe 7 vetave që mbetën brenda në sallë.
Por tradita e mashtrimeve vazhdoj edhe mëtej në këtë kuvend, përkundër që delegatët braktisën kuvendin, ata përsëri e zgjodhën në mënyrë klandestine ish Kryetarin e Degës Xhavit Maholli, me 7 delegatët e mbetur.
Ne publikisht i bëjmë thirrje organeve të KKZ-së nënivelin lokal dhe KQZ-së në nivelin qendror që rastin e djeshëm të rishikohet dhe kurrsesi të mos njihet si kuvend për cilin ka argumente të mjaftueshme për manipulim nga krerët e saj.
Gjithsesi, ne si udhëheqje e anëtar të kryesisë së degës në Lipjan shumë shpejt do të dalim me ankes drejtuar organeve të KQZ-së për parregullsitë e mbrëmshme në kuvend”, thuhet në komunikatën për media./BS
