Presidenti i Kosovës, Hashim Thaçi ka komentuar vendimin e Kuvendit të Malit të Zi për anëtarësim në NATO.
Ai ka thënë se ky hap është inkurajues për çdo shtet të Ballkanit Perëndimor.
Postimi i plotë:
Vendimi i Kuvendit të Malit të Zi për anëtarësim në NATO është lajm i mirë për gjithë rajonin tonë. Kosova e ka përkrahur gjithnjë Malin e Zi në këtë hap të rëndësishëm, i cili është me ndikim të madh në sigurinë dhe stabilitetin rajonal.
Ky është hap inkurajues për çdo shtet të Ballkanit Perëndimor, i cili aspiron të bëhet pjesë e NATO-s, sepse vetëm përmes bashkëpunimit shumëpalësh mund t’u jepet përgjigje sfidave të sigurisë kudo në botë.
Kosova ka qenë dhe mbetet promotore e fqinjësisë së mirë, me vizion të qartë integrimin euroatlantik. HTH/BS