Kryetari i Komunës së Drenasit, Ramiz Lladrovci, ka kërkuar nga qytetarët dhe bizneset që të mos ndotin ambientin me ndezje zjarri, kryesisht goma me rastin e festës së 1 Majit, Ditës së Punëtorëve.
Lladrovci u ka bërë thirrje po ashtu edhe organeve të rendit, Policisë së Kosovës dhe Inspektorëve që të jenë në terren për të respektuar Ligjin, pasi që këto veprime janë të ndaluara me Ligjet në fuqi të Republikës së Kosovës.
“Njëkohësisht me një veprim ndalues të kësaj dukurie të trashëguar nga sistemet e kaluara (komunizmi) mbrohet edhe ambienti ynë ku jetojmë”, thuhet në një njoftim nga Komuna e Drenasit.
