Përkujtim për Heroin e Kosovës Abaz Thaqi

Kosova

Përkujtim për Heroin e Kosovës Abaz Thaqi

Nga: Milazim Maraj Më: 16 maj 2017 Në ora: 08:19
16.05.1999 Rrasë e Koshares

Abaz Thaqin e përkujtojmë:

Për mirësinë e tij prej shokut të shkëlqyeshëm.                                                                                                                                  

Për heroizmin e tij të pa shoq dhe sakrificën e tij të pa ndërprerë deri në flijim                                                 

Për atdhedashurinë e tij                                                                                                                                                                     

Për përpjekjet e tij të pa ndërprera për Kosovën e lirë e të pavarur                                                                                    

Për heqjen e kufirit në mes të shqiptarëve.                                                                                                                           

Për qëndrimin e tij intelektual para udhëkryqeve dhe sfidave                                                                                              

Për nacionalizmin e tij të moderuar                                                                                                                                                  

Për komandën e tij të pranueshme për çdo ushtar “Pas meje Trima”                                                                                                                    

Për djalin, vëllain dhe bashkëshortin e shkëlqyeshëm.

Abaz Thaqi ishte pjesëmarrës aktiv në demonstratat  e vitit 1981-1983. Në këto aktivitete ishte pjesëmarrës dhe motivues. E dinte qëllimin dhe rëndësinë  e këtyre demonstratave, por edhe rrezikun dhe pasojat. Abaz Thaqin e kujtojmë  për veprimtarinë e rëndësishme kombëtare  në  planin e motivimit,  stërvitjes, përgatitjes dhe armatosjes dhe evakuimit të tyre nga lufta në Kroaci. Abazi  ushtroj ushtaret shqiptar për përdorimin e armëve, përgatiti mirë  në  taktikat luftarake, prita, minime, deminime,mbrojtje, sulme, luftë guerile, luftë frontale etj. Këtë bagazh njohurish për luftë Abazi e kishte krijuar në shkollën ushtarake në Kroaci. Autoritetet ushtarake kroate kishin fituar besim të plot për Abazin.   

Andaj Abazi  emërohet  zv. Komandant i  objektit më rëndësi të veçantë ”Velebit3.” (Depo e Armatimit) të Armatës së pestë Jugosllave në Dellnicë.-Kroaci. Mbante lidhje të vazhdueshme më koleget e vet shqiptar më vonë bashkëluftëtarë në luftën e Koshares si  Rrustem Berisha, Afrim Beka,Skender Hasangjekaj etj. Ata bisedonin dhe sillnin vendime për veprime të mëtutjeshme në plan të përgatitjes së luftës në Kosovë. Evakuimin e ushtarëve shqiptarë dhe furnizimin më armë për luftë në Kosovë. Armatën Kroate e braktisi  vet më 15.11.1990 më Vendimin nr. 43/77/2. Në këtë vendim shkruan largohet më vetdëshirë. Vazhdoj aktivitetin për mobilizimin, motivimin e të rinjve për luftë për lirinë e Kosovës.

Në vitin 1998 la gruan e tij doktoreshën Alma. S. Arapi në Tiranë dhe mori pushkën për lirinë e vendit. Mori pjesë në ushtrime ushtarake në Golem, Kolsh dhe Kalimash. Abazi kishte fituar besimin e të rinjve, posaçërisht atyre që e njihnin më herët. Për guximin, trimërinë,shkathtësitë e tij fizike dhe artin luftarak Abaz Thaqi u emërua nga Ministri i Mbrojtjes së Kosovës  Kolonel  Ahmet Krasniqi  ushtarak në gardën e Kosovës “SKENDERBEU”. Nga kjo gardë më pëlqimin e eprorëve të vet vjen në GO3. Në Papaj. Nga Komandanti i GO3, caktohet komandant i logjistikës në repartin Ushtarak në  Babinë. Për një kohë të shkurtër përgatiti ushtarët e vet për logjistikë. Më 08. 04.1999 vendoset në Padesh në piken kufitare “Shtëpia e Sadikut”. Pasi që përgatiti ushtaret në për funksionim normal të logjistikës , kaloj në vijën e zjarrit për të marr Karakollin e Koshares. Më 09.04.1999 mori pjesë në Çlirimin e Karakollit të Koshares.

Pas çdo sulmi Abazi kthehej më trofe lufte. Në mëngjesin e 09.04.199 takova Abazin  tek  po kthehej nga nga vija e zjarrit ai kishte dy automatikë. “A e donë njërin, prodhim zë serbëve më tha. Ma dha një kolegë serb për kujtim, së aji shkoi të Sveti Sava” dhe qeshi. Duke parë intensitetin e luftës në drejtimin  777 , Rrasë e Koshares aty ku kishte luftime të rrepta dhe të pa ndërprera Abazi  kërkoi nga komandanti të vendoset në Rrasë të Koshares. Kërkesën e Abazit e aprovon komandanti i GO3 Rrustem Berisha. Lufta e Abazit ishte shembull për të gjithë. Ai më dy bashkëluftëtarë të tij më datën 26.04.1999 kapi të gjallë kuririn e komandantit serb “PILOT”. I cili na solli shumë informata materiale të shkruara dhe filma të aparatit fotografik. Ky  rob iu dorëzua  NATOS. 

Më rob të luftës Abazi i ishte i kujdesshëm dhe korrekt. “Ka rregulla lufta” u  thoshte ushtarëve. Abaz Thaqi më kënaqësi dhe dinjitet zbatoi urdhrin e GO3. Për komandën” pas meje”. Ai kurrë nuk urdhëroj ushtaret e tij pa ju prirë vet. Më 07. 05.1999  po pushonim pasi që përfunduan luftimet, Abazi më tregoi që është i martuar dhe që gruaja e tij është nga Tirana.  Ishte kjo hera e parë që po bisedonim për familje. Do t’i them komandantit që të lëshoj për një vizitë të skuter familjes i thash unë. Jo të lutëm komandant mos i thuaj. Më vjen keq dhe nuk shkojë. Në mbrëmje komanda e Batalonit të II. Vendosi që Abazin ta liroj për një vizitë të shkurtër familjes por Abazi refuzoj. Në këtë situatë pushimi është lluks. Nuk i lejoj vetës pushim. Ai për të mos e refuzuar urdhrin në mbrëmje shkoi në Padesh i kishte ndërruar veshmbathjet dhe në mëngjes erdhi përsëri në front.

Abaz Thaqi ishte i guximshëm i përpiktë, dhe në komandim shumë gjakftohte. Sulmet e ashpra më armë të sofistikuar të armikut nuk e frikësonin por e mobilizonin.” A e shef po detyrohen të përdorë armët më të mira që i kanë”thoshte Abazi “duke inkurajuar ushtaret e vet.

Sulmi më tanke më 11.05.1999, nuk e zmbrapsi, ai përdori taktikë dhe doli fitues duke  eliminuar 7 ushtaret serb  që përcillnin tankun. Ai komandoj ushtaret e vet që të uleshin  poshtë në istikame. Guximi ,gatishmëria,profesionalizmi, dhe atdhedashuria ishin virtyte të Abaz Thaqit. Më 16.05.1999 në mesditë kur nuk kishte fare luftime Komandant Abazi qëllohet nga snajperisti serb. Ushtare tij e tërheqin nga pozicioni , derisa po e bartnin Abazi i urdhëron: Djema tani më bartin barelistat  ju kthehuni në pozicione.  Vazhdoni luftën .Liria jonë është e sigurt vazhdoni luftën. Këto ishin fjalët e fundit të Abazit.

Shoqata e Veteranëve të Luftës në Koshare beri një kërkesë që Dëshmori Abaz Thaqi të gradohet Hero i Kosovës. Presidenca e gradoj më urdhrin “Adem Jashari”. Abaz Thaqi nuk vdiq. Ai jeton edhe sot në kujtimet dhe shpirtin e çdo luftëtari të Koshares në veçanti dhe Kosovës në përgjithësi. Jeton më virtytet e veta të pastra Pellazge,Ilire, shqiptare. Ai zuri vendin në Kazermën e Madhe të Skënderbeut.  Aty ku pushojnë të gjithë njerëzit e Kombit dhe të Zotit. Nga aty burojnë këshillat më të mira,për shqiptar, si të punohet,pse të luftohet, si të luftohet, dhe si të vdiste. Presidenca e Kosovës  Dëshmorin Abaz Thaqi e dekoroj më gradën  Hero i Kosovës.

Lavdi familjes së Abaz Thaqit! Që rriti dhe edukoj një personalitet rrallë.

Lavdi veprës dhe jetës dinjitoze të Abaz Thaqit.

Sot mund të lexoni Shfletoni kopertinat