Produktet nga Kosova promovohen në Holandë

Kosova

Produktet nga Kosova promovohen në Holandë

Më: 16 maj 2017 Në ora: 16:22
Produktet nga Kosova promovohen në Holandë

Ministria e Tregtisë dhe Industrisë, përkatësisht Agjencia për Investime dhe Përkrahjen e Ndërmarrjeve në Kosovë (KIESA) ka organizuar pjesëmarrjen e katër kompanive kosovare në Panairin PLMA’s 2017 “World Private Label” International Trade Show, i cili mbahet në Amsterdam të Holandës, më 16-17 maj.

N.P.P. “Amo”,  “Petkos” SHPK, “Scampa” N.P.T. dhe “Alm Group”, janë katër kompanitë kosovare që janë duke i promovuar produktet e tyre para blerësve dhe vizitorëve nga shtete të ndryshme pjesëmarrëse në këtë panair.

Njëherësh këto kompani do të kenë mundësinë të shkëmbejnë eksperienca të reja dhe të arrijnë marrëveshje me kompanitë pjesëmarrëse me synim të krijimit të qasjes më të lehtë në tregjet e jashtme.

Panairi PLMA’s 2017 “World Private Label” International Trade Show njihet si një ndër panairet më të rëndësishëm në fushën e ushqimit dhe produkteve jo-ushqimore. Gjatë këtij viti në këtë panir po marrin pjesë mbi 2500 ekspozues nga 70 shtete duke përfshirë rreth 60 pavijone kombëtare dhe rajonale.

Produkte e ekspozuara në këtë panair janë ushqime të freskëta, të ngrira, ushqime të thata e pije, si dhe kategoritë jo-ushqimore, duke përfshirë kozmetikë, shëndetin dhe bukurinë, familjen, kuzhinën, kopshtarinë, etj.

Kompanitë kosovare mund të vizitohen në këto shtande:

Seksioni i ushqimit  / Europa Complex / Salla 7

        Shtandi F-6451:    N.P.P. AMO

        Shtandi F-6453:    PETKOS SHPK

Seksioni jo ushqimor / Park Complex / Salla 9

        Shtandi N-2808:   SCAMPA N.P.T.

        Shtandi N-2810:   ALM GROUP

Sot mund të lexoni Shfletoni kopertinat