Zëvendësministri i Ministrisë së Administrimit të Pushtetit Lokal, z. Bajram Gecaj, priti sot në takim Ambasadorin e Hungarisë në Kosovë, z. Laszlo Markusz, me të cilin biseduan për zhvillimet politike në vend dhe thellimin e bashkëpunimit shtetëror mes të dyja vendeve.
Zëvendësministri Gecaj shprehu mirënjohje dhe falënderim për mbështetjen që ka dhënë Hungaria për Kosovën.
Ambasadori i Hungarisë në Kosovë, z. Markusz, theksoi rëndësinë e bashkëpunimit në të gjitha projektet me interes për institucionet dhe qytetarët e Kosovës dhe tha se marrëdhëniet e mira ndërshtetërore mes Kosovës dhe Hungarisë do të vazhdojnë edhe në të ardhmen.
