Kryetari i Partisë Demokratike të Kosovës (PDK), Kadri Veseli përmes një postimi në faqen e tij në Facebook ka përgëzuar vullnetarët e organizatës “Let’s Do It Kosova” të cilët me aksionin e tyre po e pastrojnë Kosovën.
Postimi i plotë:
Një ambient i shëndoshë e bën një shoqëri të shëndoshë. Është detyrë e të gjithë neve, qytetarëve të Kosovës, ta ruajmë mjedisin tonë.
I përgëzoj 50 mijë vullnetarët e organizatës “Let’s Do It Kosova” që me aksionin e tyre po i pastrojnë sot mbi 200 deponi ilegale të mbeturinave. Përmirësimi i ambientit do të jetë ndër komponentët kryesorë të Fillimit të Ri për Kosovën. #FillimiRi