Policia kërkon ndihmë për identifikimin e viktimës në autostradën “Ibrahim Rugova” - Bota Sot
Policia kërkon ndihmë për identifikimin e viktimës në autostradën “Ibrahim Rugova”

Kosova

E martë, 22 gusht 2017

Policia kërkon ndihmë për identifikimin e viktimës në autostradën “Ibrahim Rugova”

Më: 13 gusht 2017 Në ora: 09:44
Ilustrim

Një këmbësor është goditur të shtunën nga një automjet në autostradën “Ibrahim Rugova”, i cili nga lëndimet e pësuara ka ndërruar jetë menjëherë.

Në njoftimin e saj policia ka sqaruar se ngjarja ka ndodhur në daljen veriore të autostradës në afërsi të qytetit të Prizrenit, përderisa ka kërkuar ndihmën e qytetarëve për ta identifikuar viktimën e rastit.

“Policia e Kosovës konfirmon se të shtunën rreth orës 17:00, në autostradën “Ibrahim Rugova”, në dalje Veriu-Prizren, ka ndodhur një aksident me fatalitet.

Dyshohet se një veturë ka goditur një këmbësor të gjinisë mashkullore, vdekjen e të cilit e ka konfirmuar ekipi mjekësor.

Lidhur me aksidentin me pasoja fatale, Policia e Kosovës jep këto detaje të viktimës me qëllim të identifikimit të tij. Mosha e viktimës është 30-40 vjeçar; gjatësia: 165 cm; flokët ngjyrë kafe, sytë ngjrë të kaftë. Viktima mban të veshura xhinse të kaltra, fanelë ngjyrë hiri me vija të bardha, këpucë dhe çorapë të zeza.

Policia e Kosovës kërkon nga kushdo që ka informacione apo mund ta identifikojë personin në bazë të përshkrimit ta lajmërojë Policinë në stacionet më të afërta policore apo në nr.192.

Komentet
comments powered by Disqus
Sot mund të lexoni Shfletoni kopertinat
Sondazh
    test