Në Kosovë, Qendra për Studime të Sigurisë publikoi të enjten një raport mbi sfidat e komunitetit vendor, të të rinjve, medieve dhe organizatave të grave përballë ekstremizmit të dhunshëm e radikalizmit.
Raporti përfshinë edhe analizën e formave të përdorura nga grupi militant “Shteti Islamik” dhe organizatat tjera për rekrutimin e luftëtarëve nga Kosova në konfliktin e Sirisë dhe Irakut, ndërsa bën thirrje për më shumë mbështetje ndaj komunave dhe komuniteteve vendore si faktorë thelbësorë në luftën kundër ekstremizmit të dhunshëm.
