36 raste me fruth po trajtohen në Klinikën Infektive - Bota Sot
36 raste me fruth po trajtohen në Klinikën Infektive

Kosova

E shtunë, 21 tetor 2017

36 raste me fruth po trajtohen në Klinikën Infektive

Më: 12 tetor 2017 Në ora: 09:50
QKUK

Ushtruesi i drejtorit të Shërbimit Spitalor dhe Klinik Universitar të Kosovës, Basri Sejdiu, ka vizituar Klinikën Infektive për t’u njohur nga afër me gjendjen, pas raportimit të kësaj klinike në lidhje me rastet e reja të raportuara me fruth.

Në takim me drejtorin dhe kryeinfermierin e kësaj klinike,  Naser Rrustemi, ai u njoftua  për numrin e rasteve të mjekuara deri tani dhe për masat që kjo klinikë ka ndërmarrë për të menaxhuar situatën.

Hamdi Ramadani, drejtor i kësaj klinike, njoftoi se momentalisht në këtë klinikë janë duke u mjekuar 36 raste me fruth, prej tyre 4 janë në gjendje më të komplikuar, përderisa 75 raste të tjera pasi kanë marrë ndihmën mjekësore, pas trajtimit janë liruar për në shtëpi.

Sipas tij, pacientët janë të moshave të ndryshme, duke filluar nga foshnjat e deri tek mosha 40 vjeçare.

Ushtruesi i detyrës së drejtorit të përgjithshëm premtoi se do të angazhohet bashkë me Bordin drejtues dhe Ministrinë e Shëndetësisë që të përmirësohet gjendja qoftë për sa i përket furnizimit me barna dhe material shpenzues, por edhe infrastrukturën dhe pajisjet e nevojshme.

Komentet
comments powered by Disqus
Sot mund të lexoni Shfletoni kopertinat
Sondazh
    test