Dëshmitarja: Ivanoviqin e luta për jetën e djalit

Kosova

Dëshmitarja: Ivanoviqin e luta për jetën e djalit

Më: 10 nëntor 2017 Në ora: 20:03
Oliver Ivanoviq

Pjesëtarë të policisë janë angazhuar për të siguruar praninë e dëshmitares së radhës në gjykimin ndaj Oliver Ivanoviqit.

Dikur lideri i Serbëve në veri është duke u akuzuar për krime lufte ndaj qytetarëve shqiptarë gjatë vitit 1999.

Shahbaze Cernobregu, e cila u desh të sillej me polici në gjykatore, ka dëshmuar rrethanat e 14 majit 99-të kur djali i saj Erduan Cernobregu ishte vrarë.

Ajo ka rrëfyer se në fund të hyrjes një polic i uni formuar e kishte ndarë nga djali të cilin e kishin shtrirë në tokë.

Dëshmitarja ka sqaruar se më vonë në mesin e policëve e kishte identifikuar edhe Oliver Ivanoviqin

“I kam thanë këtij që është këtu djalin me ma pshtu”, ka rrëfyer dëshmitarja, raporton Kallxo.com.

Ajo ka sqaruar se Ivanoviq i kishte thënë asgjë, por vetëm ishte larguar.

Dëshmitarja ka sqaruar edhe rrethana të tjera përfshirë kohën kur trupi i djalit të saj ishte zbuluar në varrezat e Suhodollit.

Dëshmitari tjetër në këtë process pritet të dëshmojë në seancën e radhës.

Oliver Ivanoviq ishte dënuar me 9 vite burg për krimet që akuzohet, por në shkurt të këtij viti Gjykata e Apelit ishte ajo qe e ktheu në rigjykim këtë rast.

Sot mund të lexoni Shfletoni kopertinat